估唔到真系盲中中稳到实习，又估唔到一做就做左半年，好呐，稳钱嘅时间过得特别快，又系时候讲byebye～

秉承我一贯看图说话嘅风格，去片～

首先研究下栋楼先～（911后遗症：最紧要了解建筑结构，逃生逃得快，米话我话啦～）

夏天影嘅

等车无聊，连对面马路都唔放过～

最后一日收工出黎，5点半，天都黑晒～

栋楼话旧唔旧，但系就还有呢种空置率好高嘅电话亭（间？），存在嘅意义难以捉摸

每层楼系楼梯口隔离都有一旧咁嘅设置，唔系水管。。。估3秒钟。。。3。。。2。。。1.。。。

开估，系全手动单功能垂直落地美国制寄信通道，直达地下一楼果个信箱。真系使唔使懒成咁，行落楼松下筋咩仲好～

好啦，认真研究完个楼层设计，讲翻间公司先。

话说呢间公司，我面试果阵还系一间系wilmington间咁古色古香嘅大楼入边嘅好family feel嘅小公司，虽然幕后投资者系鼎鼎大名嘅高某盛，不过都系venture capital嗟，唔系好觉佢地有参与管理方面嘅野，不过至紧要佢有出粮，我就唔理啦～

原来鬼佬的世界都有宫心计，勾心斗角权力斗争防不胜防。我临走呢2个月，佢地一边搞IPO，一边狂炒人，起码炒左一半analyst，整个管理层都大换血。我呢名小intern，都叫炒得有dignity，叫做约满走人， 临走还可以游客咁周围影。

最中意呢个有电视有vending machine，有烧烤炉，还偶尔有人带蛋糕甜品翻黎share嘅吞port圣地。

外置休憩用地，未见有人享用过。

同事登场，由于佢地嘅手震技术连相机防抖功能都奈佢唔何，所以，凑合凑合。

同事人人都几nice，可能佢地之前都只系在唐人街见过中国人，所以有几个到我临走还以为我系来自NY定系CA嘅华人集散地。我同佢地讲，我made in China噶。

我话我放假要翻中国，即刻有个女同事好震惊咁同另一个男同事大叫：佢要翻中国啊！好危险啊！然后好语重心长咁同我讲，你千祈唔好系中国犯法啊，佢地会判死刑噶～我只能更语重心长咁教育佢：现在多数只杀贪官和毒贩，放心啦，中国好安全，唔使翻火星！

佢地最最惊奇莫过于我地嘅one child policy。原来佢地一直以为只系urban legend，冇可能实现到，估唔到系佢地身边就有我呢个活生生嘅例子。唉，佢地都唔知道中国呢个policy为全球暖化贡献左几多，又付出左几多嘅代价～同佢地系哥本哈根慢慢计啦哈～

不过看来大家对中国的误会还是根深蒂固，需要我们唔知几代人嘅努力呐～

一野讲得宏观得滞添，嗯～都系时候稳下一份工啦～

同场加映：是日大风雪，一觉醒来以为自己梦游加拿大。

一年就此碌过~

不是小学课文的庸庸碌碌哇，系符符碌碌，加少少忙碌。

大惊小怪总会有，总结一下就是这里有很多中国没有的，也没有很多中国有的，（废话！）好，当预告我未来一辑的衣食住行篇。

离家出走一周年，老去365日，也飞速成长365日，物理上和思想政治上都有，对得起这些日子啦。

以为自己好叻，但系所有出国，出省，出市奔波过嘅同学们应该比我一早就学会。

学会看地图和看极不详尽的巴士图，学会心算各位重要人士所处位置的时间，学会A菜炒B肉，B菜炒A肉的伎俩，学会租屋清洁速成大法，学会小学级室内装潢技巧，学会坦然接受被小朋友用好奇的眼光打量，学会识别购买能煮出中国菜味道的菜与肉，学会夏天穿毛衣上班，学会冬天如何在室内不被暖气蒸晕，学会认出made in China却是所谓的名牌，学会接受不长高只长肉的事实，而学会最多的是错过。

错过各类型活动，饭局，唱K，吹水，碌波，督波，打波，杀人（黯然！），错过各大人士的生日，（顿足！）第一次错过摊大手板抖利是的新年（捶胸！），最惨莫过于还要错过某些人士的结婚！！（撞墙！！）

如此激动，无非想讲：我除左物理上和思想政治上有变，我其他科目上依然冇变！

我冇郑华咁串：混不好我就不回来。 我混好混不好我都要回来。

最后，唱首歌送比呢个一周年先！如果大家冇听过，就当系我嘅作品啦！哈哈～

大量青春经已付上
但愿登天不过未上
有个宗旨却一样
仍然同样乐天知命
一脸轻松去远征
珍惜过程
如不尽情太扫兴

（To be continued…)

狂欢在我的定义就是过了12点都不回家。
明明这两日都能和好朋友们一起，应该觉得高兴至系，但系点解我甘忧郁嘅？晤通甘都算假日后遗症？

可能我们这一代人都受当年高考话题作文所害，喜欢以小见大由近及远地多愁善感，导致在这个多雨季节就会都跑出来在各大blog/zone/space中伤春悲秋一番。当然，有些冷静的人还是持续冷静，或者可以说是麻木吧～

是否人要的独立，首先要学会对付“独”呢？
我觉得魔羯座真的中了孤独的魔咒，以前一直晤信，依家真的开始发现自己圈子越来越小，朋友越来越少，越长大越孤单。
看到某个国外研究话，上网越多的人孤独感越强。咁对于我呢种由于工作原因日日被迫上网嘅人，是否已经注定患上孤独症呢？

朋友和家人都觉得我不够独立，我还一直以为自己好独立添～至此，发现自己连少少的孤独感也战胜不了，确实被他们不幸言中。

算，几大就几大，虾饺就烧卖喇～就让我自省。

不在自省中爆发，就在自省中si亡。

乡下的大宅门。虽然话系乡下，但系间屋又大又宽敞，绝对系城市享受晤到嘅无尘及清凉。呢个咁光辉嘅背景系我嘅婶婶，佢一路由广州未上高速呕左6个几钟到普宁，一入屋佢依然二话不说坚守佢厨房嘅岗位，一声辛苦都冇讲过，真系传统潮汕女性典范！

屋中大厅。个厅出边还有一个差不多等大嘅天井，外面还有个一半大小嘅厨房＋花园，成间屋个厅占一半都有，远睇还以为系祠堂，但系整咁大个厅有佢嘅理由嘅。除左凉爽，还有就系真系会有好多人吃饭，冇咁大个厅系装晤晒嘅～详见下文～

间屋工艺超群啊，檐梁上的彩雕已经10几年喇，依然鲜艳如故，真系颜色就靓喇！里面还有好多历史文化故事供没有电视看的吃饭时间观赏，包括《唐伯虎点秋香》、《昭君出塞》、《郭子仪拜寿》等等等等，各朝代嘅风流人物可谓济济一堂～

正清一早4点几5点，我其中一个堂叔系广州塞左9个钟头终于到达。大家立刻马不停蹄去公厅拜祭，真系诚心非常。仲梆梆声烧左2串大炮仗，呢D炮仗认真晤便宜，盛惠￥350。最夸张系，之后上山拜祖，再拜一个堂亲，最后还拜我太嫲，足足还要拜3个山，加加埋埋还要烧多7、8扎炮仗，实在有心！

公厅前大家姓陈一族系度献宝。一栋栋嘅宝就咁数数数数成一座金山～跟住仲“寄”埋出去添！

跳担去祭祀！呢担野非常唔简单，其中一格系满满一电饭煲嘅饭，我自己拎过，都非常重，更何况其他每一格都还塞满猪、鸭、鸡、饼、面等等等等，我婶婶实在强，依然挑得咁好笑容！

呢D用来挑祭品上山嘅“冷”用完就洗干净，系天台晒干，“晒冷”就系咁黎嘎喇！

路遇“楼德华”！呢度每栋楼或屋，不论好丑，都会有自己嘅名！呢个就系其中一个啦！

左边系本地特产普宁豆干，其他地方嘅豆腐系炸晤起咁行嘎！

右边系我今期最爱，潮州话音译：hair so。即系虾酥！正！真系有虾！

村里3、4间比较完整的杂货铺之一，有“nark nark”纸，香珠等小学时期盛极一时嘅“文具”。门口的鱼是整箩地蒸熟出售的，师奶买左翻去只需煎一下就可以上台，方便，但系相对城市价格还是比较贵～！

陈家新一代。今期拜山翻左7个，有个男仔晤愿同我地班女流影相～哈哈～其实数埋我应该有18、9个堂弟堂妹，呢度真系冰山一角喇～

登登灯凳！呢个系我今期发现好可爱嘅堂细佬。佢叫城城啊，呵呵，同陈志城同学只差一字。当佢话自己系郭富城嘅时候，潜乌龟成日赢，赢左仲晓飞吻多谢山顶嘅朋友添！不过当佢认自己做李家诚嘅时候就狂做乌龟。睇黎佢都只能免为其难做明星喇。还有，佢刚刚黎到果晚好怕丑，成日um住块面晤俾我地睇，结果怕丑左半个钟之后就龙精虎猛喇！

ps：同时留意佢身后个厅塞满人吃饭，呢张相不过系开2围，后来有餐仲开左3围，再次“挤挤一堂”！

红当当嘅堂细妹！开头好怕丑，成日晤出声，佢细佬怕丑左半个钟就同我地玩，佢足足怕丑左成晚加半个早上。后来撩佢倾下计，发现佢其实超多水吹，佢可以用左大半个下昼时间好认真咁同我剖析佢学校嘅“优质午睡”同“普通午睡”嘅分别，哈哈～而且玩起身仲成日傻笑，嗯嗯，有陈家女子优良传统啊哈～～

呢个女仔真系好乖好纯品，我话真系好想有个佢咁嘅妹妹，但系佢话想做我家姐涡，哈，认真趣致！