| Perfil de karen面包树上……有pizza咯～FotosBlogScraps |  Ferramentas  Ajuda |
|
25/8/2009 离家出走一周年 一年就此碌过~ 不是小学课文的庸庸碌碌哇，系符符碌碌，加少少忙碌。 大惊小怪总会有，总结一下就是这里有很多中国没有的，也没有很多中国有的，（废话！）好，当预告我未来一辑的衣食住行篇。 离家出走一周年，老去365日，也飞速成长365日，物理上和思想政治上都有，对得起这些日子啦。 以为自己好叻，但系所有出国，出省，出市奔波过嘅同学们应该比我一早就学会。 学会看地图和看极不详尽的巴士图，学会心算各位重要人士所处位置的时间，学会A菜炒B肉，B菜炒A肉的伎俩，学会租屋清洁速成大法，学会小学级室内装潢技巧，学会坦然接受被小朋友用好奇的眼光打量，学会识别购买能煮出中国菜味道的菜与肉，学会夏天穿毛衣上班，学会冬天如何在室内不被暖气蒸晕，学会认出made in China却是所谓的名牌，学会接受不长高只长肉的事实，而学会最多的是错过。 错过各类型活动，饭局，唱K，吹水，碌波，督波，打波，杀人（黯然！），错过各大人士的生日，（顿足！）第一次错过摊大手板抖利是的新年（捶胸！），最惨莫过于还要错过某些人士的结婚！！（撞墙！！） 如此激动，无非想讲：我除左物理上和思想政治上有变，我其他科目上依然冇变！ 我冇郑华咁串：混不好我就不回来。 我混好混不好我都要回来。 最后，唱首歌送比呢个一周年先！如果大家冇听过，就当系我嘅作品啦！哈哈～ 大量青春经已付上 （To be continued…) 4/6/2008 孤独是一个人的狂欢,狂欢是一个人的孤独狂欢在我的定义就是过了12点都不回家。 可能我们这一代人都受当年高考话题作文所害，喜欢以小见大由近及远地多愁善感，导致在这个多雨季节就会都跑出来在各大blog/zone/space中伤春悲秋一番。当然，有些冷静的人还是持续冷静，或者可以说是麻木吧～ 朋友和家人都觉得我不够独立，我还一直以为自己好独立添～至此，发现自己连少少的孤独感也战胜不了，确实被他们不幸言中。 算，几大就几大，虾饺就烧卖喇～就让我自省。 不在自省中爆发，就在自省中si亡。 8/4/2008 看图说话——清明时节翻乡下
乡下的大宅门。虽然话系乡下，但系间屋又大又宽敞，绝对系城市享受晤到嘅无尘及清凉。呢个咁光辉嘅背景系我嘅婶婶，佢一路由广州未上高速呕左6个几钟到普宁，一入屋佢依然二话不说坚守佢厨房嘅岗位，一声辛苦都冇讲过，真系传统潮汕女性典范！
屋中大厅。个厅出边还有一个差不多等大嘅天井，外面还有个一半大小嘅厨房＋花园，成间屋个厅占一半都有，远睇还以为系祠堂，但系整咁大个厅有佢嘅理由嘅。除左凉爽，还有就系真系会有好多人吃饭，冇咁大个厅系装晤晒嘅～详见下文～
间屋工艺超群啊，檐梁上的彩雕已经10几年喇，依然鲜艳如故，真系颜色就靓喇！里面还有好多历史文化故事供没有电视看的吃饭时间观赏，包括《唐伯虎点秋香》、《昭君出塞》、《郭子仪拜寿》等等等等，各朝代嘅风流人物可谓济济一堂～
正清一早4点几5点，我其中一个堂叔系广州塞左9个钟头终于到达。大家立刻马不停蹄去公厅拜祭，真系诚心非常。仲梆梆声烧左2串大炮仗，呢D炮仗认真晤便宜，盛惠￥350。最夸张系，之后上山拜祖，再拜一个堂亲，最后还拜我太嫲，足足还要拜3个山，加加埋埋还要烧多7、8扎炮仗，实在有心！ 公厅前大家姓陈一族系度献宝。一栋栋嘅宝就咁数数数数成一座金山～跟住仲“寄”埋出去添！
跳担去祭祀！呢担野非常唔简单，其中一格系满满一电饭煲嘅饭，我自己拎过，都非常重，更何况其他每一格都还塞满猪、鸭、鸡、饼、面等等等等，我婶婶实在强，依然挑得咁好笑容！
呢D用来挑祭品上山嘅“冷”用完就洗干净，系天台晒干，“晒冷”就系咁黎嘎喇！ 路遇“楼德华”！呢度每栋楼或屋，不论好丑，都会有自己嘅名！呢个就系其中一个啦！
左边系本地特产普宁豆干，其他地方嘅豆腐系炸晤起咁行嘎！ 右边系我今期最爱，潮州话音译：hair so。即系虾酥！正！真系有虾！
村里3、4间比较完整的杂货铺之一，有“nark nark”纸，香珠等小学时期盛极一时嘅“文具”。门口的鱼是整箩地蒸熟出售的，师奶买左翻去只需煎一下就可以上台，方便，但系相对城市价格还是比较贵～！
陈家新一代。今期拜山翻左7个，有个男仔晤愿同我地班女流影相～哈哈～其实数埋我应该有18、9个堂弟堂妹，呢度真系冰山一角喇～
登登灯凳！呢个系我今期发现好可爱嘅堂细佬。佢叫城城啊，呵呵，同陈志城同学只差一字。当佢话自己系郭富城嘅时候，潜乌龟成日赢，赢左仲晓飞吻多谢山顶嘅朋友添！不过当佢认自己做李家诚嘅时候就狂做乌龟。睇黎佢都只能免为其难做明星喇。还有，佢刚刚黎到果晚好怕丑，成日um住块面晤俾我地睇，结果怕丑左半个钟之后就龙精虎猛喇！ ps：同时留意佢身后个厅塞满人吃饭，呢张相不过系开2围，后来有餐仲开左3围，再次“挤挤一堂”！
红当当嘅堂细妹！开头好怕丑，成日晤出声，佢细佬怕丑左半个钟就同我地玩，佢足足怕丑左成晚加半个早上。后来撩佢倾下计，发现佢其实超多水吹，佢可以用左大半个下昼时间好认真咁同我剖析佢学校嘅“优质午睡”同“普通午睡”嘅分别，哈哈～而且玩起身仲成日傻笑，嗯嗯，有陈家女子优良传统啊哈～～ 呢个女仔真系好乖好纯品，我话真系好想有个佢咁嘅妹妹，但系佢话想做我家姐涡，哈，认真趣致！ 29/3/2008 差点忘却的猪海对上一次踏足珠海校区已经是06毕业时了，呢笪度假般浑噩左2年的地方，点解翻到黎会咁既熟悉又陌生？
经过果个无话可说的中大五院，谂起通宵打针的李爽，同通宵倾计的朱咪咪，好挂住你地啊～ 那个号称全亚洲最长的教学楼也再找不到我的位置，再没有我要上的课。 又想起荔园水果姐姐的5毫子菠萝，刚想去吃，表妹却告诉我，那儿早人去楼空。 经过教工，当初大一，江门帮霸位拼台日日搞聚餐的日子，依然如此历历在目。 那个要到奖励自己时才会去的榕园，现在走起来竟然不再那么远。 站在宿舍的阳台，想起以前傍晚与加嘉一人半个西瓜就在阳台上边吃边东张西望，目送其他人去晚修，又坚持做我们系少有的两个不自修的女生。 第三次去寿司皇，竟然只得一张空台，竟然又是前两次那一张台，同一个角落，同几个位置，同样一贯不辣的wasabi。 再经过九州，好不容易才发现缩到一边的pizzahut原来在装修。好过瘾的一次联合生日宴，果个大声夹无准的阮家宇，果阵三个电染发坏男孩，嘉炜、case同廖同学，同埋两个格仔衫邻家大男孩chihuahua同陈志城同学，还有傻更更的加嘉、mimi同李爽，保持仪态的碧云同被迫不能保持仪态的珊珊，要凑齐你地好似难过储齐一套黄金圣斗士～ 有几个以前再熟悉不过的珠海生活问题，依家谂翻，大家又记得几多呢?
1、晚上热水时间是？
2、通宵自修室是边区边间？ 3、歧关车站楼上乜区？ 4、出拱北搭几号车？出香洲九州又有乜野选择呢？ 5、空调车几钱？非空调车又几钱？ 6、每个月有几多桶饮用水？ 7、珠海宿舍物业管理叫乜名啊？ 5/1/2008 我的30与200712月本来系我最中意嘅一个月，据本人非正式统计，12月基本都会突然多愁善感。
结果过左有史以来最忙的12月，我一野晤小心就忘记要感慨，并且miss左好多重要嘅时间与事情。 呢期成日听谢安琪嘅3/8,今日睇到叱咤颁奖礼上的杨千嬅，突然醒起咁就一年了，原来我在奔3的路上，又朦朦查查咁过左一年了。 再读多一个小学嘅时间，我就已经30岁。 细个果阵谂，30岁我已经系个阿姨，嗯，咁就应该有一个自己的家，有一个我日日要凑佢翻学嘅小朋友，有一份好型嘅OL工作（以前觉得OL好劲嘎啦～） 毕业时我谂，我晤想要22～26呢个时间啦，最好直接将我带到我的30岁，一个应该已经稳定安静生活的年纪，没有孩子，也至少有一个家。 最近，我谂，30岁我可能都还未嫁，没所谓，反正我还不想做阿姨。 我唯一担心嘅，系爸爸妈妈在街上见到三姑六婆时，被问及近况而顿时语塞的尴尬场景。 勇气，勇气……这是给30岁的我的缄言。 无论30岁是何模样，希望30岁时有我24岁没有的勇气。
过去的2007年，上半年本来一切还很顺利，但到下半年，越来越多的来自工作及自寻的烦恼都使我不断觉得自己好黑仔，令我真系明白，什么叫做“被现实推挤，梦想会变形”。高潮出现在2007最后一个月，我继无聊骂战后，又被大头虾嘅同事整失左我本珍藏了22年的《婴儿画报》，真系崩溃。
写完以上一段又觉得自己黑仔嘅事迹太简陋，不足为外人道，确实系未黑尽嘅。
今年年头睇香港杂志讲属猪嘅朋友系07年最大烦恼就系有感情会出现伤害，下面还有一个懒科学嘅解释话，23，24岁拍拖的年轻人最多，分分合合也是相对较多。我当时非常惊恐，因为我理应列入高危队伍中的高危人物。结果一年下来，我发现我身边确实伤员甚众。由easy同学年头的壮烈，到sharon子同学年中嘅奋不顾身，啊，还有一个郑华同学呢个长期感情病患者，阴功，全部都遍体鳞伤，伤过《集结号》。 但系睇过《行运超人》（动画果个，晤系杨小姐果个啊）嘅朋友都应该明白，我相信个天要你今年黑仔，因为下年要比好运你的缘故。
easy同学、sharon子同学，心口贴个勇字，工作大吉啊～郑华同学，不要太认真工作了，早日跳槽um um脚做老总～ 最后，都系果句，有情人终成眷属，无情人都晤使一镬熟～ 虽则讲到猪年黑仔如此，今年小珊珊，郭33，羊太同学还有我的表妹（们）都蜜运中了，真系希望佢地08都开开心心，晤好俾人虾。
最后的最后，我要认真鸣谢一个人，多谢佢肯迁就和包容我走到至今的1111日，多谢佢陪我打破呢个07本命年魔咒，多谢佢在我觉得黑仔的时候令我知道自己不是一个人。但我却无法系你无助的时候在你身边，我让你承受了太多太多你本不需要承受的责任与烦恼，而你依然坚定陪我走下去。2个人走的路比1个人的要难行，过去一年很不容易，尤其系暑假的时候，几个地方走来走去比不放假还累，还要不时被我的任性滋扰。或者我真系冇做好呢份工啦，哈，下次我会做好D嘎啦。
|
|||||||
|
|
